Transmeton Ebu Hurejra: Pejgamberi (s.a.v.s.) ka thënë: "Kur të afrohet koha, ëndrra e besimtarit thuajse nuk do të jetë e rreme. Ai që është më i vërteti në fjalë, do ta ketë ëndrrën më të vërtetë. Ëndrrat janë tri llojesh: ëndrra e mirë që është përgëzim nga Allahu, ëndrra trishtuese nga shejtani dhe ëndrra që buron nga mendimet e vetë njeriut. Nëse dikush prej jush sheh diçka që nuk i pëlqen, le të ngrihet e të falë namaz dhe të mos u tregojë njerëzve." Ai tha: "Unë e pëlqej prangën (në këmbë) dhe e urrej vargonin në qafë; pranga simbolizon qëndrueshmërinë në fe." Ebu Davudi tha: "Kur të afrohet koha" do të thotë kur dita dhe nata barazohen.