Transmeton Hilal ibn Jasari: Ishim me Salim ibn Ubejd-in kur një burrë nga njerëzit teshtiu dhe tha: "Es-selamu alejkum". Salimi i tha: "Edhe mbi ty dhe mbi nënën tënde." Më vonë ai tha: "Ndoshta të erdhi rëndë ajo që të thashë?" Burri u përgjigj: "Do të dëshiroja që të mos e përmendje nënën time as për mirë, as për keq." Salimi tha: "Unë vetëm të thashë atë që ka thënë i Dërguari i Allahut (s.a.v.s.). Ishim në prani të të Dërguarit të Allahut (s.a.v.s.) kur një burrë nga njerëzit teshtiu dhe tha: 'Es-selamu alejkum!' i Dërguari i Allahut (s.a.v.s.) i tha: 'Edhe mbi ty dhe mbi nënën tënde.' Pastaj tha: 'Kur ndonjëri prej jush teshtin, le ta falënderojë Allahun.' Ai përmendi disa forma falënderimi dhe shtoi: 'Ai që është me të le t'i thotë: Allahu të mëshiroftë, ndërsa ai t'u përgjigjet atyre: Allahu na faltë ne dhe ju.'"