Transmeton Sherik el-Hevzeni: Hyra tek Ajsheja (r.a.) dhe e pyeta: "Me çfarë e fillonte i Dërguari i Allahut (s.a.v.s.) kur zgjohej natën?" Ajo u përgjigj: "Më pyete për diçka që askush nuk më ka pyetur më parë. Kur ai zgjohej natën, thoshte dhjetë herë 'Allahu Ekber' (Allahu është më i Madhi), dhjetë herë 'Elhamdulilah' (Falënderimi i takon Allahut), dhjetë herë 'Subhanallahi ve bihamdihi' (I Pastër nga çdo e metë është Allahu dhe Atij i takon falënderimi), dhjetë herë 'Subhanel-Melikil-Kuddus' (I Pastër nga çdo e metë është Mbreti, i Shenjti), dhjetë herë kërkonte falje (istigfar) dhe dhjetë herë thoshte 'La ilahe ilallah' (Nuk ka zot tjetër përveç Allahut). Pastaj thoshte dhjetë herë: 'O Allah, kërkoj mbrojtje tek Ti nga ngushtësia e kësaj bote dhe ngushtësia e Ditës së Kiametit'. Më pas fillonte Namazin."