Transmeton Ebu Mes'ud el-Ensariu: Një burrë erdhi te Pejgamberi (s.a.v.s.) dhe tha: "O i Dërguari i Allahut! Më ka mbetur kafsha e udhëtimit, prandaj më jep një mjet transporti." Ai (s.a.v.s.) u përgjigj: "Nuk kam asnjë kafshë për të të dhënë, por shko te filani, mbase ai të pajis me një të tillë." Ai shkoi tek ai dhe ai i dha një kafshë. Pastaj erdhi te i Dërguari i Allahut (s.a.v.s.) dhe e njoftoi për këtë. Atëherë i Dërguari i Allahut (s.a.v.s.) tha: "Kush udhëzon në një mirësi, do të ketë shpërblim të njëjtë me shpërblimin e atij që e kryen atë."