Transmeton Ebu Hurejre: Një burrë erdhi te Pejgamberi (s.a.v.s.) duke u ankuar për fqinjin e tij. Ai (s.a.v.s.) i tha: "Shko dhe bëj durim." Ai u kthye përsëri dy ose tri herë, e pastaj ai (s.a.v.s.) i tha: "Shko dhe hidhi plaçkat e tua në rrugë." Ai i hodhi plaçkat e tij në rrugë dhe njerëzit filluan ta pyesnin, ndërsa ai i tregonte për fqinjin e tij. Atëherë njerëzit filluan ta mallkonin fqinjin, duke thënë: "Allahu bëftë me të kështu e ashtu!" Më pas fqinji erdhi tek ai dhe i tha: "Kthehu, se nuk do të shohësh më prej meje asgjë që nuk të pëlqen."