Transmeton Ebu Mes'ud el-Ensariu: Një njeri i tha të Dërguarit të Allahut (s.a.v.s.): "O i Dërguari i Allahut! Unë thuajse nuk vij fare në namaz për shkak se filani e zgjat shumë atë kur na prin." Nuk e kam parë Pejgamberin (s.a.v.s.) asnjëherë më të zemëruar gjatë një këshille sesa atë ditë. Ai tha: "O njerëz! Vërtet, disa prej jush i largojnë njerëzit. Kushdo që u prin njerëzve në namaz, le ta shkurtojë atë, sepse në mesin e tyre ka të sëmurë, të dobët dhe njerëz që kanë nevoja për të kryer."