Transmeton Ibn Abbasi: Kam fjetur në shtëpinë e tezes sime, Mejmune bint el-Harith, bashkëshortes së Pejgamberit (s.a.v.s.), ndërsa Pejgamberi (s.a.v.s.) ishte te ajo gjatë natës së saj. Pejgamberi (s.a.v.s.) fali namazin e jacisë, u kthye në shtëpi dhe pasi fali katër rekate, fjeti. Më vonë ai u ngrit gjatë natës dhe pyeti: "A fjeti djaloshi?" (apo ndonjë fjalë të ngjashme). Pastaj ai u ngrit për namaz dhe unë u rreshtova në anën e tij të majtë, por ai më kaloi në anën e tij të djathtë dhe fali pesë rekate, e më pas edhe dy rekate të tjera. Pastaj fjeti derisa ia dëgjova gërhitjen, e më pas doli për namaz.