Transmeton Abdullah bin Amri: E pashë Pejgamberin (s.a.v.s.) pranë Xhemres ndërsa njerëzit po e pyetnin. Një burrë tha: "O i Dërguari i Allahut (s.a.v.s.)! Unë e kam therrur kurbanin para se të hidhja guralecët." Ai (s.a.v.s.) i tha: "Hidhi tani dhe nuk ka asnjë pengesë." Një tjetër tha: "O i Dërguari i Allahut (s.a.v.s.)! Unë e rrova kokën para se ta therrja kurbanin." Ai (s.a.v.s.) i tha: "Therre tani dhe nuk ka asnjë pengesë." Kështu, atë ditë, për çdo gjë që pyetej rreth rriteve të Haxhit që ishin kryer para apo pas kohës së tyre, ai (s.a.v.s.) thoshte: "Vepro kështu dhe nuk ka asnjë pengesë."