Transmeton Abdullahu: Teksa po ecja me Pejgamberin (s.a.v.s.) nëpër gërmadhat e Medinës, ai ishte i mbështetur në një degë hurme. Pranë nesh kaluan disa hebrenj. Disa prej tyre i thanë njëri-tjetrit: "Pyeteni atë për shpirtin." Të tjerët thanë: "Mos e pyetni, që të mos ju japë ndonjë përgjigje që nuk do t'ju pëlqejë." Megjithatë, disa prej tyre insistuan që ta pyesnin, kështu që njëri prej tyre u ngrit dhe pyeti: "O Ebul-Kasim! Çfarë është shpirti?" Pejgamberi (s.a.v.s.) heshti. E kuptova se po i zbriste shpallje, prandaj prita derisa ajo gjendje kaloi. Atëherë Pejgamberi (s.a.v.s.) tha: "Të pyesin ty për shpirtin. Thuaj: 'Shpirti është prej çështjeve të Zotit tim, ndërsa juve nuk ju është dhënë prej dijes veçse pak'."