Transmeton Enes b. Maliku: Ndërsa Muadhi ishte pas të Dërguarit të Allahut (s.a.v.s.) në shalën e devesë, ai tha: "O Muadh bin Xhebel!" Muadhi u përgjigj: "Të përgjigjem me gjithë dëshirë, o i Dërguari i Allahut!" Pejgamberi (s.a.v.s.) tha përsëri: "O Muadh!" Muadhi u përgjigj tri herë: "Të përgjigjem me gjithë dëshirë, o i Dërguari i Allahut!" Atëherë i Dërguari i Allahut (s.a.v.s.) tha: "Nuk ka asnjë që dëshmon me sinqeritet nga zemra e tij se nuk ka të adhuruar tjetër me të drejtë përveç Allahut dhe se Muhamedi është i Dërguari i Tij, e që Allahu të mos ia ndalojë atij zjarrin e Xhehenemit." Muadhi tha: "O i Dërguari i Allahut, a t'i njoftoj njerëzit për këtë që të gëzohen?" Ai u përgjigj: "Atëherë ata do të mbështeten vetëm tek kjo." Muadhi e tregoi këtë hadith pak para vdekjes së tij, nga frika e rënies në mëkat (për fshehjen e dijes).