Transmeton Ebu Hurejre: Në ditën e Kurbanit (gjatë Haxhit kur Ebu Bekri ishte udhëheqës i haxhinjve), Ebu Bekri më dërgoi mua së bashku me lajmëtarë të tjerë në Mina për të shpallur publikisht: "Asnjë idhujtar nuk lejohet të kryejë Haxhin pas këtij viti dhe asnjë person i zhveshur nuk lejohet të bëjë Tavafin rreth Qabes". Pastaj i Dërguari i Allahut (s.a.v.s.) dërgoi Aliun për t'u lexuar njerëzve suren "Bera'e" (et-Teube); kështu ai shpalli bashkë me ne në ditën e Kurbanit në Mina: "Asnjë idhujtar nuk lejohet të kryejë Haxhin pas këtij viti dhe asnjë person i zhveshur nuk lejohet të bëjë Tavafin rreth Qabes".