Transmeton Sehl bin Sa'di: Ai u pyet se prej çfarë materiali ishte bërë minberi i Pejgamberit (s.a.v.s.). Sehli u përgjigj: "Nuk ka mbetur askush ndër njerëz që e di këtë më mirë se unë. Ai ishte punuar nga druri i tamarixhës së pyllit. Atë e përgatiti filan skllavi i filanes për të Dërguarin e Allahut (s.a.v.s.). Kur u mbarua dhe u vendos në xhami, i Dërguari i Allahut (s.a.v.s.) u ngjit mbi të duke u drejtuar nga Kibla dhe mori tekbirin, ndërsa njerëzit u rreshtuan pas tij. Ai lexoi dhe ra në ruku, e njerëzit ranë në ruku pas tij. Pastaj e ngriti kokën, u kthye mbrapsht dhe bëri sexhde në tokë. Më pas u ngjit sërish në minber, lexoi, ra në ruku, e ngriti kokën dhe u kthye mbrapsht derisa bëri sexhde në tokë. Kjo është ajo që di unë për këtë." Ahmed bin Hanbeli ka thënë: "Meqenëse Pejgamberi (s.a.v.s.) ishte në një nivel më të lartë se njerëzit, sipas këtij hadithi nuk ka asnjë pengesë që imami të jetë në një nivel më të lartë se pasuesit e tij gjatë namazit."