Transmeton Enesi: Pejgamberi (s.a.v.s.) pa një këlbazë në drejtim të Kibles dhe kjo i rëndoi aq shumë saqë u vërejt në fytyrën e tij. Ai u ngrit dhe e fshiu atë me dorën e tij, pastaj tha: "Kur ndonjëri prej jush ngrihet për namaz, ai është duke biseduar me Zotin e tij – ose Zoti i tij është mes tij dhe Kibles – prandaj askush prej jush të mos pështyjë në drejtim të Kibles, por në anën e majtë ose nën këmbët e tij." Pastaj mori skajin e rrobës së tij, pështyu në të, e palosi dhe tha: "Ose të veprojë kështu."