Transmeton Ibn Umeri: Ai falej te el-Irku (kodrina) që ndodhet në kthesën e er-Rauhasë. Skaji i asaj kodrine gjendet në anë të rrugës, para xhamisë që është mes saj dhe kthesës, kur shkon për në Mekë. Atje ishte ndërtuar një xhami, por Abdullahu nuk falej në atë xhami; ai e linte atë në të majtë e prapa tij dhe falej përballë saj, drejt vetë kodrinës. Abdullahu nisej nga er-Rauha dhe nuk e falte namazin e drekës derisa të mbërrinte në atë vend, e pastaj e falte drekën aty. Kur kthehej nga Meka, nëse kalonte andej një orë para sabahut ose në fund të kohës së syfyrit, ai qëndronte aty derisa ta falte namazin e sabahut.