Transmeton Abdullah ibn Omari: I Dërguari i Allahut (s.a.v.s.) hyri në Qabe bashkë me Usame bin Zejdin, Bilalin dhe Uthman bin Talha el-Haxhebiun, e mbylli derën dhe qëndroi aty për një kohë. Kur doli Bilali, e pyeta: "Çfarë bëri Pejgamberi (s.a.v.s.)?" Ai u përgjigj: "Ai fali namazin duke pasur një shtyllë në të majtë, një në të djathtë dhe tri shtylla pas tij." Në atë kohë, Qabja mbështetej në gjashtë shtylla. Maliku ka thënë: "Ishin dy shtylla në të djathtën e tij (Pejgamberit)."