Transmeton Xheriri: Ishim me Pejgamberin (s.a.v.s.) dhe ai shikoi hënën – hënën e plotë – e tha: "Sigurisht që do ta shihni Zotin tuaj ashtu siç e shihni këtë hënë dhe nuk do të keni vështirësi në shikimin e Tij. Prandaj, nëse keni mundësi të mos mposhteni që të lini pa falur namazin para lindjes së diellit dhe namazin para perëndimit të tij, atëherë bëjeni këtë." Pastaj ai lexoi fjalën e Allahut: "Dhe lartësoje me falënderim Zotin tënd para lindjes së diellit dhe para perëndimit." Ismaili tha: "Falni ato namaze dhe mos lejoni t'ju ikin."