Transmeton Ebu Hurejre: I Dërguari i Allahut (s.a.v.s.) i ka ndaluar dy lloje shitblerjesh, dy lloje veshjesh dhe dy kohë namazi. Ai e ka ndaluar faljen e namazit pas namazit të sabahut derisa të lindë dielli dhe pas namazit të ikindisë derisa të perëndojë dielli. Gjithashtu, ai e ka ndaluar veshjen e quajtur "Ishtimal es-Sama" dhe "el-Ihtiba" me një rrobë të vetme në atë mënyrë që pjesët e turpshme të ekspozohen drejt qiellit. Ai po ashtu i ka ndaluar shitblerjet e quajtura "Munabedhe" dhe "Mulamese".