Transmeton Enesi: Teksa i Dërguari i Allahut (s.a.v.s.) po mbante hytben e ditës së xhuma, erdhi një burrë dhe tha: "O i Dërguari i Allahut! Shiu është pakësuar, andaj lute Allahun të na japë shi." Ai (s.a.v.s.) u lut dhe ra aq shumë shi saqë mezi arritëm në shtëpitë tona, dhe shiu vazhdoi deri në xhumanë pasardhëse. Enesi tregon më tej: Pastaj u ngrit i njëjti person apo dikush tjetër dhe tha: "O i Dërguari i Allahut! Lute Allahun ta largojë shiun prej nesh." Atëherë i Dërguari i Allahut (s.a.v.s.) tha: "O Allah! Rreth nesh e jo mbi ne." Enesi shtoi: "I pashë retë duke u shpërndarë djathtas e majtas; binte shi rreth e rrotull, por jo mbi Medine."