Transmeton Enes ibn Maliku: Një beduin erdhi te i Dërguari i Allahut (s.a.v.s.) në ditën e xhuma dhe tha: "O i Dërguari i Allahut! Bagëtia u shkatërrua, familja u shkatërrua dhe njerëzit u shkatërruan." Atëherë, i Dërguari i Allahut (s.a.v.s.) i ngriti të dyja duart e tij duke iu lutur Allahut, dhe njerëzit i ngritën duart bashkë me të duke u lutur. Pa dalë ende nga xhamia, filloi të bjerë shi. Vazhdoi të bjerë shi deri në xhumanë tjetër, kur i njëjti burrë erdhi te i Dërguari i Allahut (s.a.v.s.) dhe tha: "O i Dërguari i Allahut! Udhëtarët mbetën rrugëve dhe rrugët janë bllokuar."