Transmeton Zejd ibn Halid el-Xhuheniu: I Dërguari i Allahut (s.a.v.s.) na e fali namazin e sabahut në Hudejbije pas një shiu që kishte rënë gjatë natës. Kur Pejgamberi (s.a.v.s.) përfundoi namazin, u kthye nga njerëzit dhe tha: "A e dini se çfarë ka thënë Zoti juaj?" Ata u përgjigjën: "Allahu dhe i Dërguari i Tij e dinë më së miri." Ai tha: "Allahu ka thënë: 'Këtë mëngjes, disa nga robërit e Mi u gdhinë besimtarë në Mua e disa mohues. Ai që tha: "Na ra shi prej mirësisë dhe mëshirës së Allahut", ai është besimtar në Mua dhe mohues i yjeve. Ndërsa ai që tha: "Na ra shi për shkak të këtij apo atij ylli", ai është mohues i Im dhe besimtar në yje.'"