Transmeton Ebu Hurejre: Pejgamberi (s.a.v.s.) na udhëhoqi në namazin e drekës ose të iqindisë dhe dha selam. Dhul-Jedejni i tha: "O i Dërguari i Allahut (s.a.v.s.)! A u shkurtua namazi?" Pejgamberi (s.a.v.s.) i pyeti shokët e tij: "A është e vërtetë ajo që po thotë?" Ata u përgjigjën: "Po." Atëherë ai i fali edhe dy rekate të tjera dhe pastaj bëri dy sexhde. Sa'di ka thënë: "E kam parë Urve bin ez-Zubejrin duke falur dy rekate të namazit të akshamit, dha selam dhe foli, pastaj fali atë që kishte mbetur dhe bëri dy sexhde e tha: 'Kështu ka vepruar Pejgamberi (s.a.v.s.)'."