Transmeton Ebu Dherri:

Një herë shkova te Pejgamberi (s.a.v.s.) dhe ai tha: "Pasha Atë në Dorën e të Cilit është shpirti im – ose: Pasha Atë përveç të Cilit nuk ka zot tjetër që meriton të adhurohet – kushdo që ka deve, lopë apo dhen dhe nuk e jep Zekatin e tyre, ato kafshë do të sillen në Ditën e Kiametit shumë më të mëdha dhe më të majme se më parë; ato do ta shkelin me thundrat e tyre dhe do ta godasin me brirët e tyre. Sa herë që të kalojë e fundit prej tyre, do të kthehet e para, dhe ky ndëshkim do të vazhdojë derisa Allahu të përfundojë gjykimin mes njerëzve."