Transmeton Zejnebja, bashkëshortja e Abdullahut: Isha në xhami dhe e pashë Pejgamberin (s.a.v.s.) duke thënë: "O ju gra! Jepni lëmoshë, qoftë edhe nga stolitë tuaja." Zejnebja shpenzonte për Abdullahun dhe për jetimët që i kishte nën përkujdesje. Ajo i tha Abdullahut: "Pyete të Dërguarin e Allahut (s.a.v.s.) a mjafton për mua nëse shpenzoj për ty dhe për jetimët që janë nën përkujdesjen time nga zeqati?" Ai u përgjigj: "Pyete ti vetë të Dërguarin e Allahut (s.a.v.s.)." Shkova te Pejgamberi (s.a.v.s.) dhe pashë aty një grua nga ensarët që po qëndronte te dera me të njëjtën nevojë si unë. Bilali kaloi pranë nesh dhe ne i thamë: "Pyete Pejgamberin (s.a.v.s.) a është e lejuar për mua të shpenzoj për bashkëshortin tim dhe për jetimët nën përkujdesjen time?" Dhe i kërkuam Bilalit që të mos i tregonte Pejgamberit (s.a.v.s.) se kush ishim ne. Bilali hyri brenda dhe e pyeti Pejgamberin (s.a.v.s.) rreth çështjes sonë. Pejgamberi (s.a.v.s.) pyeti: "Kush janë ato të dyja?" Bilali u përgjigj: "Zejnebja." Pejgamberi (s.a.v.s.) tha: "Cila Zejnebe?" Bilali tha: "Bashkëshortja e Abdullahut." Pejgamberi (s.a.v.s.) tha: "Po, ajo do të ketë dy shpërblime: shpërblimin e farefisnisë dhe shpërblimin e lëmoshës."