Transmeton Ibn Abbasi: I Dërguari i Allahut (s.a.v.s.) i tha Muadh ibn Xhebelit kur e dërgoi në Jemen: "Ti do të shkosh te një popull nga Ithtarët e Librit. Kur të arrish tek ata, ftoji të dëshmojnë se nuk ka zot tjetër që meriton adhurimin përveç Allahut dhe se Muhamedi është i Dërguari i Tij. Nëse ata të binden për këtë, njoftoji se Allahu ua ka bërë obligim pesë namaze gjatë ditës dhe natës. Nëse ata të binden edhe për këtë, njoftoji se Allahu ua ka bërë obligim zeqatin, i cili merret nga të pasurit e tyre dhe u jepet të varfërve të tyre. Nëse ata të binden për këtë, atëherë ruju nga marrja e pjesës më të çmuar të pasurisë së tyre dhe ruju nga lutja e të shtypurit, sepse mes saj dhe Allahut nuk ka asnjë pengesë."