Transmeton Ibn Abbasi: I Dërguari i Allahut (s.a.v.s.) caktoi Dhul-Hulejfen si mikat për banorët e Medinës, El-Xhuhfen për banorët e Shamit, Karnul-Menazilin për banorët e Nexhdit dhe Jelemlemin për banorët e Jemenit. Këto janë mikatet për banorët e këtyre vendeve, si dhe për të tjerët që kalojnë nëpër to me qëllimin për të kryer Haxhin dhe Umren. Ndërsa ai që banon brenda këtyre kufijve, e fillon ihramin nga vendi ku ndodhet, e po ashtu edhe banorët e Mekës e fillojnë ihramin nga Meka.