Transmeton Omer bin el-Hatabi: Ai iu drejtua Gurit të Zi duke thënë: "Pasha Allahun! Unë vërtet e di se ti je vetëm një gur që as nuk dëmton e as nuk bën dobi. Sikur të mos e kisha parë Pejgamberin (s.a.v.s.) duke të prekur, nuk do të të kisha prekur kurrë." Pastaj ai e puthi atë dhe tha: "Nuk ka asnjë arsye që ne të bëjmë ramel (ecje e shpejtë gjatë tavafit), përveç se kemi dashur të tregohemi para mushrikëve, e tashmë Allahu i ka shkatërruar ata." Pastaj shtoi: "Kjo është diçka që Pejgamberi (s.a.v.s.) e ka bërë, andaj ne nuk dëshirojmë ta lëmë atë."