Transmeton Ez-Zuhriu: Kurdoherë që i Dërguari i Allahut (s.a.v.s.) gjuante me gurë Xhemren që ndodhet pranë xhamisë së Minës, ai e godiste atë me shtatë guralecë dhe shqiptonte Tekbirin me hedhjen e secilit guralec. Pastaj avanconte përpara dhe qëndronte i kthyer nga Kibla me duar të ngritura duke u lutur, dhe qëndronte ashtu për një kohë të gjatë. Pastaj vinte te Xhemreja e dytë dhe e godiste me shtatë guralecë, duke shqiptuar Tekbirin me hedhjen e secilit guralec. Pastaj zbriste majtas nga ana e luginës dhe qëndronte i kthyer nga Kibla me duar të ngritura duke bërë dua. Pastaj vinte te Xhemreja që ndodhet te Akabeja dhe e godiste me shtatë guralecë, duke shqiptuar Tekbirin me çdo guralec, e pastaj largohej pa u ndalur tek ajo. Salimi tregon se babai i tij ka përcjellë të njëjtën gjë nga Pejgamberi (s.a.v.s.) dhe kështu vepronte edhe Ibn Umeri.