Transmeton Abdullah ibn Amri: I Dërguari i Allahut (s.a.v.s.) u njoftua se unë isha betuar të agjëroja çdo ditë dhe të falja namaz gjatë gjithë natës për sa kohë të isha gjallë. I thashë: "Për ty u sakrifikofshin prindërit e mi! Po, ashtu kam thënë." Pejgamberi (s.a.v.s.) tha: "Ti nuk mund ta përballosh këtë. Prandaj, agjëro por edhe ha, falu por edhe fle. Agjëro tri ditë në muaj, sepse shpërblimi i veprës së mirë dhjetëfishohet dhe kjo është e barabartë me agjërimin e gjithë kohës." Unë i thashë: "Unë kam mundësi për më shumë se kjo." Ai tha: "Atëherë agjëro një ditë dhe mos agjëro dy ditë." Unë i thashë: "Unë kam mundësi për më mirë se kjo." Pejgamberi (s.a.v.s.) tha: "Agjëro një ditë dhe mos agjëro një ditë; ky është agjërimi i Davudit (a.s.) dhe ky është agjërimi më i mirë." Unë i thashë: "Unë kam fuqi për më shumë se kjo." Atëherë Pejgamberi (s.a.v.s.) tha: "Nuk ka agjërim më të mirë se ai."