Transmeton Hababi: Isha kovaç në kohën e xhahilijetit dhe El-As bin Vaili më kishte borxh, kështu që shkova tek ai për t'ia kërkuar. Ai më tha: "Nuk do të t'i jap derisa ta mohosh Muhamedin (s.a.v.s.)." Unë i thashë: "Nuk do ta mohoj derisa Allahu të të bëjë të vdesësh e pastaj të ringjallesh." Ai tha: "Më lër derisa të vdes e të ringjallem, atëherë do të më jepet pasuri e fëmijë dhe do ta shlyej borxhin tënd." Me këtë rast u shpallën ajetet: "A e ke parë atë që mohon argumentet Tona dhe thotë: 'Sigurisht që do të më jepet pasuri dhe fëmijë'? A mos ka depërtuar ai në të fshehtën (Gajb), apo ka marrë ndonjë zotim prej të Gjithëmëshirshmit?" (Merjem, 77-78).