Transmeton Ajsheja (r.a.): Ishte e rrallë që të kalonte ndonjë ditë pa e vizituar Pejgamberi (s.a.v.s.) shtëpinë e Ebu Bekrit, qoftë në mëngjes apo në mbrëmje. Kur u dha leja për hixhret në Medine, Pejgamberi (s.a.v.s.) na erdhi papritmas në mesditë. Ebu Bekri u njoftua për këtë dhe tha: "Pejgamberi (s.a.v.s.) nuk ka ardhur në këtë orë veçse për ndonjë çështje të rëndësishme." Kur hyri brenda, ai i tha Ebu Bekrit: "Largo ata që janë me ty." Ebu Bekri tha: "O i Dërguari i Allahut (s.a.v.s.)! Këto janë vetëm dy vajzat e mia (Ajsheja dhe Esmaja)." Pejgamberi (s.a.v.s.) tha: "Më është dhënë leja për hixhret." Ebu Bekri tha: "Dëshiroj të të shoqëroj, o i Dërguari i Allahut (s.a.v.s.)!" Pejgamberi (s.a.v.s.) u përgjigj: "Po, do të më shoqërosh." Ebu Bekri atëherë tha: "O i Dërguari i Allahut (s.a.v.s.)! Unë kam dy deve që i kam përgatitur posaçërisht për hixhret, prandaj merre njërën prej tyre." Pejgamberi (s.a.v.s.) tha: "E pranoj, por me kusht që t'ia paguaj çmimin."