Transmeton Ibn Umeri: Pejgamberi (s.a.v.s.) ka thënë: "Shembulli juaj dhe shembulli i njerëzve të dy Librave (hebrenjve dhe të krishterëve) është si shembulli i një njeriu i cili punësoi disa punëtorë dhe u tha: 'Kush do të punojë për mua nga mëngjesi deri në mesditë për një kirat?' Hebrenjtë punuan. Pastaj ai tha: 'Kush do të punojë për mua nga mesdita deri në namazin e iqindisë për një kirat?' Të krishterët punuan. Pastaj ai tha: 'Kush do të punojë për mua nga iqindia deri në perëndim të diellit për dy kiratë?' Ju jeni ata (që pranuat). Atëherë hebrenjtë dhe të krishterët u zemëruan e thanë: 'Përse ne kemi punuar më shumë e kemi marrë më pak shpërblim?' Ai tha: 'A ju kam pakësuar diçka nga e drejta juaj?' Ata u përgjigjën: 'Jo.' Ai tha: 'Kjo është mirësia Ime, të cilën ia jap kujt të dëshiroj.'"