Transmeton Abdullah bin Omeri (r.a.) se i Dërguari i Allahut (s.a.v.s.) ka thënë: "Shembulli juaj në krahasim me hebrenjtë dhe të krishterët është si shembulli i një njeriu që punësoi punëtorë dhe u tha: 'Kush do të punojë për mua deri në mesditë për nga një kirat?' Hebrenjtë punuan për nga një kirat secili. Pastaj krishterët punuan deri në namazin e Ikindisë për nga një kirat secili. Kurse ju, jeni ata që punoni nga namazi i Ikindisë deri në perëndim të diellit për nga dy kiratë secili. Hebrenjtë dhe të krishterët u zemëruan dhe thanë: 'Ne kemi punuar më shumë dhe jemi paguar më pak'. Ai (Allahu) u tha: 'A ju kam cenuar ndonjë prej të drejtave tuaja?' Ata u përgjigjën: 'Jo'. Atëherë Ai tha: 'Kjo është mirësia Ime, të cilën ia jap kujt të dua'."