Transmeton Ebu Hurejre: Një burrë erdhi te Pejgamberi (s.a.v.s.) për t'i kërkuar shlyerjen e një borxhi dhe u soll me rreptësi. Shokët e Pejgamberit (s.a.v.s.) deshën ta ndëshkonin, por i Dërguari i Allahut (s.a.v.s.) u tha: "Lëreni atë, sepse ai që ka një të drejtë ka të drejtë edhe të flasë." Pastaj i Dërguari i Allahut (s.a.v.s.) tha: "Jepini atij një deve të së njëjtës moshë si e tija." Ata i thanë: "O i Dërguari i Allahut! Nuk po gjejmë veçse një deve që është më e mirë se e tija." Atëherë ai (s.a.v.s.) tha: "Jepjani atij, sepse më i miri prej jush është ai që e shlyen borxhin në mënyrën më të mirë."