Transmeton Abdullah bin Umeri: Pejgamberi (s.a.v.s.) bëri një marrëveshje me banorët e Hajberit për ta punuar tokën me kusht që gjysma e prodhimit të frutave ose të lashtave t'u takonte atyre. Pejgamberi (s.a.v.s.) u jepte bashkëshorteve të tij nga njëqind veskë: tetëdhjetë veskë hurma dhe njëzet veskë elb. Kur Omeri u bë kalif, ai u dha mundësinë e zgjedhjes bashkëshorteve të Pejgamberit (s.a.v.s.) që ose t’u jepte pjesë nga toka dhe uji, ose të vazhdonin me praktikën e mëparshme. Disa prej tyre zgjodhën tokën, ndërsa disa të tjera zgjodhën veskët, dhe Aishja zgjodhi tokën.