Transmeton Abdullahu: Pejgamberi (s.a.v.s.) ka thënë: "Kushdo që bën një betim të rrejshëm për të përvetësuar pasurinë e dikujt, do ta takojë Allahun e Ai do të jetë i zemëruar me të." Atëherë Allahu i Madhëruar shpalli ajetin: "Vërtet, ata që e shesin besën e dhënë Allahut dhe betimet e tyre për një çmim të paktë..." Pastaj erdhi El-Esh'athi dhe pyeti: "Çfarë po ju tregon Ebu Abdurrahmani? Ky ajet është shpallur lidhur me mua. Unë kisha një pus në tokën e një kushëririt tim, prandaj Pejgamberi (s.a.v.s.) më tha: 'Sill dëshmitarët e tu.' Unë i thashë: 'Nuk kam dëshmitarë.' Ai tha: 'Atëherë ai (i padituri) duhet të betohet.' Unë i thashë: 'O i Dërguari i Allahut (s.a.v.s.), atëherë ai do të betohet (rrejshëm).' Atëherë Pejgamberi (s.a.v.s.) përmendi këtë hadith dhe Allahu e shpalli atë ajet si vërtetim për atë që ai tha.