Transmeton Ebu Hurejra: I Dërguari i Allahut (s.a.v.s.) ka thënë: "Ndërsa një burrë po ecte, e zuri një etje e fortë. Ai zbriti në një pus dhe piu ujë prej tij. Kur doli, pa një qen që dihaste dhe hante dheun e lagësht nga etja e madhe. Burri tha: 'Këtë qen e ka kapur etja ashtu siç më kishte kapur mua'. Ai e mbushi këpucën e tij me ujë, e mbajti me dhëmbë, u ngjit lart dhe i dha qenit të pijë. Allahu e vlerësoi veprën e tij dhe e fali atë." Njerëzit pyetën: "O i Dërguari i Allahut (s.a.v.s.), a kemi ne shpërblim për kafshët?" Ai u përgjigj: "Për çdo gjallesë (mëlçi të njomë) ka shpërblim."