Transmeton Sehl bin Sa'di: Të Dërguarit të Allahut (s.a.v.s.) i sollën një enë dhe ai piu prej saj. Në të djathtë të tij ishte ulur një djalosh, i cili ishte më i riu nga të pranishmit, ndërsa në të majtë të tij ishin të moshuarit. Pejgamberi (s.a.v.s.) e pyeti djaloshin: "O djalosh, a më lejon t'ua jap (pijen) të moshuarve?" Djaloshi u përgjigj: "O i Dërguari i Allahut, nuk ia jap askujt përparësinë ndaj pjesës sime që më takon prej teje!" Atëherë, ai ia dha atë djaloshit.