Transmeton Seleme: Një herë furnizimet tona u pakësuan dhe njerëzit ranë në skamje. Ata shkuan te Pejgamberi (s.a.v.s.) dhe i kërkuan leje për t'i therrur devetë e tyre, dhe ai u dha leje. Omeri i takoi ata dhe pasi u informua, tha: "Çfarë do t'ju mbetet pasi t'i therrni devetë tuaja?" Pastaj ai shkoi te Pejgamberi (s.a.v.s.) dhe i tha: "O i Dërguari i Allahut! Çfarë do t'ju mbetet atyre pasi t'i therrin devetë e tyre?" I Dërguari i Allahut (s.a.v.s.) urdhëroi: "Thirri njerëzit që të sjellin atë që u ka mbetur nga ushqimi i tyre." Atëherë u shtrua një shtrojë lëkure dhe i gjithë ushqimi u mblodh e u grumbullua mbi të. I Dërguari i Allahut (s.a.v.s.) u ngrit, u lut dhe kërkoi bekim për të, e pastaj i udhëzoi njerëzit të vinin me enët e tyre. Ata filluan të merrnin prej tij derisa të gjithë morën aq sa u mjaftonte. Atëherë i Dërguari i Allahut (s.a.v.s.) tha: "Dëshmoj se nuk ka zot tjetër që meriton adhurimin përveç Allahut dhe se unë jam i Dërguari i Tij."