Transmeton Abdullah bin Hishami: Nëna e tij, Zejneb bint Humejd, e dërgoi atë te Pejgamberi (s.a.v.s.) dhe i tha: "O i Dërguari i Allahut, pranoje besëlidhjen prej tij!" Ai tha: "Ai është ende i vogël," dhe ia fërkoi kokën e u lut për begati për të. Zuhra bin Mabedi tregon se ai shkonte me gjyshin e tij, Abdullah bin Hishamin, në treg për të blerë ushqime. Ibn Umeri dhe Ibn ez-Zubajri e takonin atë dhe i thoshin: "Na bëj ortakë, sepse Pejgamberi (s.a.v.s.) është lutur që ti të kesh begati." Ai i merrte ata si ortakë dhe shpeshherë fitonte aq sa peshonte ngarkesa e një deveje dhe e dërgonte atë në shtëpi.