Transmeton Aisha: Gruaja e Rifa'a el-Kuradhiut erdhi te Pejgamberi (s.a.v.s.) dhe tha: "Isha gruaja e Rifa'as, por ai më shkurorëzoi me shkurorëzim të prerë. Pastaj u martova me Abdurrahman bin ez-Zubejrin, por ai është i pafuqishëm (ka vetëm si një fije rrobe)." Pejgamberi (s.a.v.s.) e pyeti: "A dëshiron të kthehesh te Rifa'a? Nuk mundesh derisa ti ta shijosh ëmbëlsinë e tij dhe ai ta shijojë ëmbëlsinë tënde." Ebu Bekri ishte i ulur pranë tij, ndërsa Halid bin Seid bin el-Asi ishte te dera duke pritur t'i lejohej hyrja. Ai tha: "O Ebu Bekër! A po e dëgjon këtë grua se çfarë po flet hapur para Pejgamberit (s.a.v.s.)?"