Transmeton Ukbe bin el-Harithi:

Ai u martua me vajzën e Ebu Ihab bin Azizit, kur erdhi një grua dhe i tha: "Unë ju kam dhënë gji të dyve, Ukbes dhe asaj me të cilën është martuar". Ukbeja i tha asaj: "Nuk e dija që më ke dhënë gji e as nuk më ke njoftuar më parë". Ai dërgoi njerëz te familja e Ebu Ihabit për t'i pyetur, por ata thanë se nuk kishin dijeni që ajo i kishte dhënë gji vajzës së tyre. Atëherë Ukbeja udhëtoi për te Pejgamberi (s.a.v.s.) në Medine dhe e pyeti për këtë çështje. I Dërguari i Allahut (s.a.v.s.) i tha: "Si mund ta mbash atë, kur tashmë u tha (se jeni vëllezër prej gjiri)?" Kështu, Ukbeja u nda prej saj dhe ajo u martua me një burrë tjetër.