Transmeton Aishja (r.a.): Ndërkohë që Pejgamberi (s.a.v.s.) ishte tek ajo, ajo dëgjoi zërin e një burri që kërkonte leje për të hyrë në shtëpinë e Hafsës. Aishja tha: "O i Dërguari i Allahut (s.a.v.s.)! Mendoj se ai është filani, xhaxhai i Hafsës nga gjiri." Aishja vazhdoi: "O i Dërguari i Allahut (s.a.v.s.)! Ky burrë po kërkon leje për të hyrë në shtëpinë tënde." I Dërguari i Allahut (s.a.v.s.) u përgjigj: "Mendoj se ai është xhaxhai i Hafsës nga gjiri." Aishja tha: "Sikur të ishte gjallë filani (xhaxhai i saj nga gjiri), a do të lejohej të hynte tek unë?" I Dërguari i Allahut (s.a.v.s.) tha: "Po, sepse gjidhënia bën të ndaluara ato që i bën të ndaluara lindja (lidhja e gjakut)."