Transmeton Ajsheja: Berireja erdhi tek ajo për t'i kërkuar ndihmë për kontratën e saj të lirimit, ndërkohë që deri atëherë nuk kishte paguar asgjë nga vlera e saj. Ajsheja i tha: "Kthehu te pronarët e tu dhe, nëse ata bien dakord që unë ta paguaj vlerën tënde me kusht që uelaja (e drejta e patronazhit) të më takojë mua, unë do ta bëj këtë." Berireja ua tregoi këtë pronarëve të saj, por ata refuzuan dhe thanë: "Nëse Ajsheja dëshiron të të bëjë mirësi, le ta bëjë, por uelaja do të mbetet tek ne." Ajsheja e njoftoi të Dërguarin e Allahut (s.a.v.s.) për këtë, e ai i tha: "Bleje dhe liroje atë, sepse uelaja i takon vetëm atij që e liron."