Transmeton Xhabiri: Isha duke kalëruar një deve që ishte lodhur, kur Pejgamberi (s.a.v.s.) kaloi pranë, e goditi atë dhe u lut për të. Pas kësaj, ajo filloi të ecte me një shpejtësi që nuk e kishte pasur kurrë më parë. Pejgamberi (s.a.v.s.) më tha: "Ma shit atë për një uqije." I thashë: "Jo." Ai përsëri më tha: "Ma shit atë për një uqije." Atëherë ia shita, por vura kusht që ta kalëroja deri te familja ime. Kur arritëm, ia solla devenë dhe ai ma pagoi çmimin e saj. Pasi u largova, ai dërgoi dikë pas meje dhe më tha: "Nuk kisha ndërmend ta merrja devenë tënde. Merre devenë tënde, ajo është pasuria jote." (Kjo ngjarje është përcjellë përmes disa versioneve me ndryshime të vogla në shprehje sa i përket kushtit të Xhabirit për ta kalëruar devenë deri në Medine).