Transmeton Seadi:

U sëmura dhe Pejgamberi (s.a.v.s.) më erdhi për vizitë. I thashë: "O i Dërguari i Allahut (s.a.v.s.)! I lutem Allahut që të mos më lejojë të vdes në vendin prej të cilit kam emigruar." Ai tha: "Ndoshta Allahu do të të shërojë dhe njerëzit do të përfitojnë prej teje." Thashë: "Dëshiroj të lë vasijet për pasurinë time, e unë kam vetëm një vajzë; a të lë vasijet gjysmën e pasurisë sime?" Ai tha: "Gjysma është shumë." Thashë: "Atëherë një të tretën?" Ai tha: "Një e treta, e edhe një e treta është shumë (apo e madhe)." Pas kësaj, njerëzit filluan të lënë vasijet një të tretën e pasurisë së tyre dhe kjo u lejua për ta.