Transmeton Hakim bin Hizami:

I kërkova të Dërguarit të Allahut (s.a.v.s.) diçka dhe ai më dha, pastaj i kërkova përsëri dhe ai më dha e pastaj më tha: "O Hakim! Kjo pasuri është e gjelbër dhe e ëmbël. Kush e merr atë pa lakmi, do të jetë i bekuar në të, ndërsa kush e merr me lakmi, nuk do të ketë begati në të dhe do të jetë si ai që ha e nuk ngopet kurrë. Dora e sipërme është më e mirë se dora e poshtme." Hakimi shtoi: "I thashë: O i Dërguari i Allahut! Për Atë që të ka dërguar me të Vërtetën, nuk do të kërkoj asgjë nga askush pas teje derisa të largohem nga kjo botë." Më vonë, Ebu Bekri e thërriste Hakimin për t'i dhënë diçka, por ai refuzonte të pranonte gjë prej tij. Pastaj e thirri Omeri për t'i dhënë, por ai sërish refuzoi të pranonte. Atëherë Omeri tha: "O muslimanë! Unë i ofroj atij hakun e tij që Allahu ia ka caktuar nga kjo pasuri (e luftës), por ai refuzon ta marrë." Kështu, Hakimi nuk kërkoi asgjë prej askujt pas Pejgamberit (s.a.v.s.) derisa vdiq – Allahu e mëshiroftë.