Transmeton Enesi: Pejgamberi (s.a.v.s.) i tha Ebu Talhas: "Unë rekomandoj që ta ndash (këtë kopsht) ndërmjet të afërmve të tu." Ebu Talha tha: "O i Dërguari i Allahut (s.a.v.s.)! Do ta bëj këtë." Kështu, Ebu Talha e ndau atë mes të afërmve dhe kushërinjve të tij. Ibn Abasi ka thënë: "Kur zbriti ajeti kuranor: 'Dhe paralajmëro farefisin tënd më të afërt' (26:214), Pejgamberi (s.a.v.s.) filloi të thërriste familjet e mëdha të Kurejshëve: 'O Beni Fihr! O Beni Adi!'." Ebu Hurejre ka thënë: "Kur zbriti ajeti: 'Dhe paralajmëro farefisin tënd më të afërt', Pejgamberi (s.a.v.s.) tha (me zë të lartë): 'O njerëz të Kurejshit!'"