Transmeton Ebu Hurejra: Kur Allahu i Lartësuar shpalli vargun: "Dhe paralajmëro farefisin tënd më të afërt", i Dërguari i Allahut (s.a.v.s.) u ngrit dhe tha: "O njerëz të Kurejshëve - apo fjalë të ngjashme me këtë - shpëtojeni veten tuaj (nga Zjarri), sepse unë nuk mund t'ju mbroj aspak nga ndëshkimi i Allahut. O bijtë e Abdëmenafit, unë nuk mund t'ju mbroj aspak nga ndëshkimi i Allahut. O Abas bin Abdulmutalib, unë nuk mund të të mbroj aspak nga ndëshkimi i Allahut. O Safije, halla e të Dërguarit të Allahut (s.a.v.s.), unë nuk mund të të mbroj aspak nga ndëshkimi i Allahut. O Fatime, e bija e Muhamedit, më kërko çfarë të duash nga pasuria ime, por unë nuk mund të të mbroj aspak nga ndëshkimi i Allahut."