Transmeton Ibn Omeri: Gjatë kohës së të Dërguarit të Allahut (s.a.v.s.), Omeri dha si lëmoshë një pronë të tij, një kopsht me palma hurme të quajtur Thamgh. Omeri tha: "O i Dërguari i Allahut (s.a.v.s.)! Unë posedoj një pasuri që e çmoj shumë dhe dëshiroj ta jap atë lëmoshë." Pejgamberi (s.a.v.s.) i tha: "Jape si lëmoshë bashkë me tokën dhe pemët, me kusht që toka dhe pemët as të mos shiten, as të mos dhurohen e as të mos trashëgohen, por frutat e saj të shpenzohen si lëmoshë." Kështu, Omeri e dha atë lëmoshë për rrugën e Allahut, për lirimin e skllevërve, për të varfërit, për mysafirët, për udhëtarët dhe për të afërmit. Nuk ka gjynah që ai që e administron atë të hajë prej saj në mënyrë të arsyeshme ose të ushqejë një mik të tij, pa pasur qëllim për t'u pasuruar prej saj.