Transmeton Enes bin Maliku: Um Ar-Rubai' bint El-Bara', e cila ishte nëna e Harithes bin Surakas, erdhi te Pejgamberi (s.a.v.s.) dhe i tha: "O Pejgamber i Allahut, a nuk më tregon për Harithen?" Ai ishte vrarë në ditën e Bedrit nga një shigjetë e shkrepur prej dikujt të panjohur. Ajo shtoi: "Nëse ai është në Xhenet, do të bëj durim; por nëse është ndryshe, do të qaj me të madhe për të." Ai (s.a.v.s.) i tha: "O nëna e Harithes! Në Xhenet ka shumë kopshte dhe djali yt ka arritur Firdevsin më të lartë."